BESTALDE 2019-10-18

Vivian Maierren erakusketan topa daitezkeen irudi ederretako bat da hau. Hilaren 20ra arte egongo da zabalik erakusketa, Tabakaleran.

Vivian Maierren erakusketan topa daitezkeen irudi ederretako bat da hau. Hilaren 20ra arte egongo da zabalik erakusketa, Tabakaleran.


Asteburua gainean dugunez, egunotan datozkigun kultur proposamenak aletu ditugu banan-banan, hartara, aitzakiarik izan ez dezagun. Enrike Solinís gitarra-jotzailearen antzinako musika entzun dugu, Juan Sebastian Elkanori eskainitako diskotik; bestalde, V. Ipuin Maratoiaren berri eman dugu. Azkenik, igande honetan amaituko den erakusketa interesgarri bat aipatu eta gomendatu dugu, “Vivian Maier: argazkilari errebelatua”.

El Peine del Tiempo 2019-10-17

En este programa, Mikel Casuso nos sumerge en la vida del doctor Asuero y su misteriosa asueroterapia, que tan aclamada como contestada fue hace 90 años en Donostia y que alcanzó fama mundial. Como no podía ser de otra forma, escuchamos algunas canciones que se inspiraron en esta controvertida cura: el tango “Opérate el trigémino”, de Manuel Colominas; y “El paralítico”, de Miguel Matamoros.
Continuamos, junto a Agustín Yerobi, hablando del maridaje de vinos y de las últimas novedades de San Sebastián, como la nueva elección del Tambor de Oro y el regalo de un tramo de la barandilla de la Concha a la ciudad japonesa Taki. Por último, traemos la actualidad de la Real Sociedad con Edu Flamarique.

DK Irratia Beldurrezko Astean

l_altza-irrati-antzerkia_parada-1Beldurrezko Astearen barnean DK Irratiak saio berezia eskeiniko du Victoria Eugenia Antzokiko Club Aretoan, urriaren 22an, 19:30etan:

Lehendabizi solasaldi bat izango da Begoña del Teso, eta Benat Iturriozekin.

Ondoren Inko Martín zuzendari eta gidoilariaren irrati-antzerki bat zuzenean ikusteko aukera izango dugu (gaztelaniaz): PARADA

Oharra: Gonbidapenak Victoria Eugenia Antzokiko leihatilan jaso daitezke ekitaldiaren egun berean 17:00 ondoren.

BESTALDE 2019-10-17

revolution-jamrock-2019Reggae doinuak izan ditugu nagusi gaur bestaldean, bereziki, saioan bigarren zatian. Eguneko kultur agendaren errepasoari ekin diogu, tartean aipatuz emakume surflariak, euskal mendizaleak, Hasier Larretxea poeta eta bere performance kolektibo berria… Azkenik, errepaso xehea eman diogu Revolution Jam Rock jaialdiaren aurtengo edizioari, eta banan-banan ezagutu ditugu etorriko diren artista nagusiak.

BESTALDE 2019-10-16

Iragan urriaren 11n estreinatu zuten Luhuson "Zaldi urdina" antzezlana, eta dagoeneko hasi du Donostiara ekarriko duen ibilbidea egiten.

Iragan urriaren 11n estreinatu zuten Luhuson “Zaldi urdina” antzezlana, eta dagoeneko hasi du Donostiara ekarriko duen ibilbidea egiten.

Kultur agendari errepaso xehea eman diogu gaur ere bestaldean. “Zaldi urdina” antzezlana trostan hasi dela baliatuz, hura aurkeztu dugu, baita gaia kokatu ere. Bihar Kaxildan izango den hitzaldi interesgarri bat ere nabarmendu dugu: izan ere, Uxue Alberdik “Kontrako eztarritik” saiakera idazteko baliatu duen oinarri teorikoa azalduko du, eta Kultur Teoria Kritikoa taldearen aurkezpena egiteko baliatuko dute ekitaldia.

BESTALDE 2019-10-15

Emakume raketistek ikaragarrizko arrakasta bildu zuten joan den mendeko lehen erdialdean. Tamalez, oso berri gutxi heldu da guregana, baina zorionez, "Raketistak lehen eta orain" elkartea ari da berreskuratze eta dibulgazio lanetan.

Emakume raketistek ikaragarrizko arrakasta bildu zuten joan den mendeko lehen erdialdean. Tamalez, oso berri gutxi heldu da guregana, baina zorionez, “Raketistak lehen eta orain” elkartea ari da berreskuratze eta dibulgazio lanetan.

Kulturaz gainezka gatoz gaurkoan ere bestaldetik Bestaldera. Mikel Iturriak editatu duen “Javier Ortiz, talento y oficio de un periodista” liburu mamitsua izan dugu aipagai, besteak beste, baita Bagera elkartearen zineforuma, Skakeitan taldearen “Ezpainetan odola” kantu berria eta Euskal Herriko ohiturak ere, San Telmo museoaren eskutik. “Raketistak lehen eta orain” elkartearen lana ere ezagutu dugu, egileen beraien ahotsetan.

BESTALDE 2019-10-14

Altzako Tokiko Bilduma osatzen ari dira Altzako Historia Mintegiko lagunak, beste hainbat lanen artean.

Altzako Tokiko Bilduma osatzen ari dira Altzako Historia Mintegiko lagunak, beste hainbat lanen artean.

Altzako Historia Mintegiari egin diogu bisita, eta hango lagunekin izandako solasaldiaren zati bat ekarri dugu bestaldera. Lan eskerga, eskertzeko modukoa benetan, mintegian urteotan egiten ari direna. Horren erakusgarri da “Estibaus” argitalpena, eta sarean eskuragarri jartzen ari diren material guztia. Bestalde, Ernest Lluch Kultur etxea berriz ere Anoetan zabaldu dutela probestuz, irekieraren berrikuntzen berri eman dugu.

BESTALDE 2019-10-13

"Hezurren azpian" diskoarekin abiatu du Maite Larburuk bakarkako musikari ibilbidea. Aurrez "Neighbor" taldean aritu izan zen, eta aspalditik, baita antzinako musikan ere.

“Hezurren azpian” diskoarekin abiatu du Maite Larburuk bakarkako musikari ibilbidea. Aurrez “Neighbor” taldean aritu izan zen, eta aspalditik, baita antzinako musikan ere.

Igandeko saio berezia Maite Larbururen musika ibilbidea jarraitzeari eskaini diogu, gehienbat. Izan ere, datorren astean Imanol Larzabal aretora datorrela baliatuz, “Neighbor” taldearen bi diskak eta bere bakarkako lehena xehe-xehe aditu ditugu, baita gure kantu kuttunenak bestaldera ekarri ere. Bestalde, Leon Benavente taldearen doinu batzuk ere ekarri ditugu gogora.