BESTALDE 2019-10-12

New Yorken dute bizilekua eta Kolonbian jatorria; musika dotorea eta interesgarria ekarriko du Donostiara Combo Chimbita taldeak.

New Yorken dute bizilekua eta Kolonbian jatorria; musika dotorea eta interesgarria ekarriko du Donostiara Combo Chimbita taldeak.

Larunbateko saio berezia gurera datozen hiru artista edo talderi eskaini diogu: alde batetik, Rafael Berrio, “Niño Futuro” aurkeztuko duena igandean, hilak 13, Antzoki Zaharrean; bestetik, Enrique Villareal “El Drogas” artistaren azken disko boskoitza errepasatu dugu, laster FNACera etorriko den aitzakian; azkenik, datorren astean Dabadabara etorriko den Combo Chimbita talde kolonbiarraren lana sakonxeago ezagutzeko tartea hartu dugu.

BESTALDE 2019-10-11

Komiki azalen atzean daude Harkaitz Cano eta Iñaki Holgado egileak. "Amets alokatuak" izena du beren elkarlanaren azken emaitzak.

Komiki azalen atzean daude Harkaitz Cano eta Iñaki Holgado egileak. “Amets alokatuak” izena du beren elkarlanaren azken emaitzak.

Komiki berri baten aurkezpenean izan ginen atzo, eta frexko-frexko ekarri dugu han bildutakoen berri bestaldera. “Amets alokatuak” izena du komikiak, Harkaitz Cano eta Iñaki Holgado egileen artean osatutako laugarren elkarlana, Xabiroi aldizkariak plazaratzen duen hamabigarren albuma. Bestalde, Donostia Buskers jaialdia eta Donosskino jaialdiak aipatu ditugu, besteak beste.

BESTALDE 2019-10-10

"Deskoloniza gaitezen" lelopean antolatu du Argiako lan-taldeak aurtengo ospakizuna.

“Deskoloniza gaitezen” lelopean antolatu du Argiako lan-taldeak aurtengo ospakizuna.

Osteguna izanagatik, asteburura begira jarri gara. Arrapaladan dator kultur agenda, eta patxada berezia eman nahi izan diogu datorren larunbatean Donostian izango den Argia Egunari arreta emateko. Iluntzeko kontzertuetan, besteak beste, Niña Coyote eta Chico Tornado, Amaren Alabak, Balerdi Balerdi eta Mursego artistak arituko dira taula gainean. Amaitzeko, “K bulegoa” zerbitzuaren berri eman dugu, eta Ainara LeGardonen testu mamitsu bat irakurri dugu.

BESTALDE 2019-10-09

Maite Larburu artista hernaniarrak "Hezurren azpian" diskoko doinuak joko ditu laster Imanol Larzabal Aretoan.

Maite Larburu artista hernaniarrak “Hezurren azpian” diskoko doinuak joko ditu laster Imanol Larzabal Aretoan.

Kultur agendaren bazterrak arakatzen jarraitu dugu gaur ere bestaldean. Izaro Andres musikariak berriki plazaratu duen bideo bat entzun dugu: “Agur, Eason. 8 minutu Izarorekin”. Kolonbiatik datorren Combo Chimbita taldearen doinuak ezagutu ditugu, Donostiara etorriko diren aitzakian. Arreta berezia eman diogu, horrez gain, Maite Larburu artistaren “Hezurren azpian” disko ederrari.

BESTALDE 2019-10-08

Olatz Salvador artista donostiarraren estreinako bakarkako lana aurkeztu dugu gaur bestaldean, atsegin handiz.

Olatz Salvador artista donostiarraren estreinako bakarkako lana aurkeztu dugu gaur bestaldean, atsegin handiz.

Kultur agendak dakartzan ekitaldien berri eman dugu gaur ere, nola ez, bestaldetik. Miren Agur Meaberen “Hezurren erretura” narrazio liburutik “Miramar” izenekoa hautatu eta sarrerako pasartea irakurri dugu. Donostialdeko bi musika proposamen interesgarri ere aurkeztu ditugu: Olatz Salvador eta Nizuri Tazuneri. Nosferatu zikloak Fassbinder zuzendariari eskainitako zikloa ere aipatu dugu. Gogora ekarri dugu, azkenik, laster Antzoki Zaharrean zuzenean arituko den artista donostiar baten lana: Rafael Berrio.